சரணம் சரணம் சண்முகா சரணம்

 திருப்பரங்குன்றுறை திருமகன்

திருப்பரங்குன்று உறை தீரனே குகனே

மருப்பிலாப் பொருளே வள்ளி மனோகரா

குறுக்குத் துறை உறை குமரனே அரனே

இருக்கும் குருபரா ஏரகப் பொருளே

வையாபுரியில் மகிழ்ந்து வாழ்பவனே

ஒய்யார மயில் மேல் உகந்தாய் நமோ நமோ

ஐயா குமரா அருளே நமோ நமோ

மெய்யாய் விளங்கும் வேலா நமோ நமோ

மெய்யாய் விளங்கும் வேலா நமோ நமோ

பழனியங் கிரிவாழ் பகவா நமோ நமோ

மழுவுடை முதல்வன் மதலாய் நமோ நமோ

விராலி மலை உறை விமலா நமோ நமோ

மராமரம் துளைத்தோன் மருகா நமோ நமோ

சூர சம்கார துரையே நமோ நமோ

வீரவேல் ஏந்தும் வேலனே நமோ நமோ

பன்னிரு கரமுடைப் பரமா நமோ நமோ

கண்களீர் ஆறுடை கந்தா நமோ நமோ

கோழிக் கொடியுடைக் கோவே நமோ நமோ

ஆழிசூழ் செந்தில் அமர்ந்தாய் நமோ நமோ

சசச சசச ஓம் ரீம்

ரரர ரரர ரீம் ரீம்

வவவ வவவ ஆம் ஹோம்

ணணண ணணண வாம் ஹோம்

பபப பபப சாம் சூம்

வவவ வவவ கௌம் ஓம்

லல லிலி லுலு நாட்டிய அட்சரம்

கக கக கக கந்தனே வருக

இக இக இக ஈசனே வருக

தக தக தக சற்குரு வருக

பக பக பக பரந்தாமா வருக

வருக வருகவென் வள்ளலே வருக

வருக வருக நிஷ் களங்களனே வருக

தாயென நின்னிரு தாள் பணிந்தேன் எனைச்

சேயெனக் காத்தருள் திவ்யமா முகனே

அல்லும் பகலும் அனுதினம் என்னை

எல்லிலும் இருட்டிலும் எரிபகல் படுக்கை

வல்லவிடங்கள் வராமல் தடுத்து

நல்ல மனதுடன் ஞான குரு உனை

வணங்கித் துதிக்க மகிழ்ந்து நீ வரங்கள்

இணங்கியே அருள்வாய் இறைவா எப்போதும்

கந்தா கடம்பா கார்த்திகேயா

நந்தன் மருகா நாரணி சேயே

எண்ணிலாக் கிரியில் இருந்து வளர்ந்தனை

தண்ணளி அளிக்கும் சாமி நாதா

சிவகிரி கயிலை திருப்பதி வேளூர்

தவக்கதிர் காமம் சார் திருவேரகம்

கண்ணுள் மணிபோல் கருதிடும் வயலூர்

விண்ணவர் ஏத்தும் விராலி மலை முதல்

தன்னிகரில்லாத் தலங்களைக் கொண்டு

சன்னதியாய் வளர் சரவண பவனே

அகத்திய முனிவனுக்கு அன்புடன் தமிழைச்

செகத்தோர் அறியச் செப்பிய கோவே

சித்துகள் ஆடும் சிதம்பர சக்கரம்

நர்த்தனம் புரியும் நாற்பத்தெண் கோணம்

வித்தாய் நிறை மெய்ப்பொருளோனே

உத்தம குணத்தாய் உம்பர்கள் ஏறே

வெற்றிக் கொடியுடை வேளே போற்றி

பக்திசெய் தேவர் பயனே போற்றி

சித்தம் மகிழ்ந்திடச் செய்தவா போற்றி

அத்தன் அரி அயன் அம்பிகை லட்சுமி

வாணி உடனே வரையுமாக் கலைகளும்

தானே நானென்று சண்முகமாகத்

தாரணியுள்ளோர் சகலரும் போற்றப்

பூரணிகிருபை புரிபவா போற்றி

பூதலத்துள்ள புண்ணிய தீர்த்தங்கள்

ஓதமார் கடல்சூழ் ஒளிர் புவிகிரிகளில்

எண்ணிலாத் தலங்கள் இனிதெழுந் தருள்வாய்

பண்ணும் நிஷ்டைகள் பலபல எல்லாம்

கள்ளம் அபசாரம் கர்த்தனே எல்லாம்

எள்ளினுள் எண்ணெய் போல் எழிலுடை உன்னை

அல்லும் பகலும் ஆசாரத்துடன்

சல்லாபமாய் உனைத் தானுறச் செய்தால்

எல்லா வல்லமை இமைப்பினில் அருளி

பல்லாயிர நூல் பகர்ந்தருள் வாயே

செந்தில்நகர் உறை தெய்வயானை வள்ளி

சந்தகம் மகிழும் தயாபர குகனே

சரணம் சரணம் சரவண பவ ஓம்

அரன்மகிழ் புதல்வா அறுமுகா சரணம்

சரணம் சரணம் சரவண பவஓம்

சரணம் சரணம் சண்முகா சரணம்

 **