அம்மையும் அப்பனும்....(3)

திரு ஈய்ங்கோய்மலை:

சிவன்: மரகதாசலேஸ்வரர்;

அம்மை: மரகதவல்லி:

மாணிக்கவாசகர், சம்மந்தரால் பாடப் பெற்ற தலம்;

அகத்தியர் ஈ வடிவம் கொண்டு சென்று வணங்கிய தலம் என்பதால் இப்பெயர் பெற்றதாம்;

**

திரு உத்திரகோசமங்கை:

சிவன்: மங்களேஸ்வரர்;

அம்மை: மங்களநாயகி;

சிவன் இங்குதான் மாணிக்கவாசகருக்கு தரிசனம் கொடுத்தார்;

சிவன் இங்குதான் பார்வதிக்கு வேதங்களின் ரகசியங்களைச் சொல்லிக் கொடுத்தார்;

இராமநாதபுரத்துக்கு அருகில் உள்ள சிவஸ்தலம்;

**

திரு எருக்கத்தம்புலியூர்:

சிவன்: நீலகண்டநாயகர்:

அம்மை: நீலமலர்கண்ணி;

இதை நாகேந்திர பட்டணம் என்றும் சொல்வர்;

மணிமுத்தாறு நதிக்கரையில் உள்ளது;

**

திரு எறும்பியூர்:

சிவன்: எறும்பீசர்;

அம்மை: நறுங்குழல் நாயகி;

சிவனை, எறும்பு வணங்கியதால் இப்பெயர்;

காவிரிக் கரையில் உள்ள சிவஸ்தலம்;

**

திரு ஏகம்பம்:

சிவன்: ஏகாம்பரநாதர்;

அம்மை: காமாட்சி;

உமாதேவி மண்ணினால் சிவலிங்கம் செய்து பூசித்தார்; சிவன், பெரும் வெள்ளத்தை ஏற்படுத்தினார்; அதில் மண் லிங்கம் கரைந்துவிடும் எனக் கருதிய உமாதேவியார், மண் லிங்கத்தை தன் மார்போடு அணைத்து காத்தார்; இந்த லிங்கத்தில் அவரின் மார்பின் தழும்பு அடையாளம் தெரியுமாம்;

**

திரு ஓமாம்புலியூர்:

சிவன்: துயர்தீர்த்த செல்வர்;

அம்மை: பூங்கொடியம்பிகை;

காவிரியின் கரையில் உள்ளது'

ஒரு வேடனைப் புலி விரட்ட, அவன் இந்த இடத்தில் உள்ள ஒரு வில்வ மரத்தில் ஏறிக் கொண்டான்: புலி, அந்த மரத்தின் அடியிலேயே இரவு முழுவதும் காத்திருந்தது; வேடனே அந்த வில்வ மரத்தின் இலைகளை பறித்து கீழே இருந்த லிங்கத்துக்கு போட்டான்; விடியற்காலையில் புலி போய்விட்டது:

**